المساعد الشخصي الرقمي

مشاهدة النسخة كاملة : محتار مع سكاي

يوووسف88
05-21-2010, 09:00 AM
السلام عليكم ورحمة الله وبركاته

شباب انا سويت عقد مع شركة سكاي الي اهي حق التلفزيون القنوات الفضائيه + انترنت

سويت العقد تاريخ 15-11-2009 ومكتوب بالورقه العقد لازم 12 شهر وانا راجع ان شاء الله هالايام وماراح ارجع مره ثانيه يعني مدة العقد معاهم مانتهم لانه العقد ينتهي 15-11-2010 فما ادري اخليهم ومادفعلهم باقي الشهور او تصير مشكله بعدين لان اتصلت عليهم قالو مايتكنسل خايف صراحه من سالفة العقد والشي الثاني اهم لما وصلو الانترنت حطو معاه خط تلفون اقدر اكنسل خط التلفون الي بشقتي مع العلم انه اسكاي اهم الي مركبينه مو انا ؟؟؟؟؟؟؟؟؟؟؟

شالحل يااهل الخبره !!!!؟ ضروري عودتي بعد اسبوع ... اسف عالاطاله ومشكورين
الـدكتـور
05-21-2010, 11:57 AM
وعليكم السلام ورحمة الله وبركاته

اخوي العزيز الموضوع سهل ان شاء الله .. انت عندك اكثر من طريق اما الاتصال بهم او ارسال لهم رسالة وافضل الاتصال بهم وتقول لهم انا طالب انترناشونال وماشي للديرة ( ون وي ) وابيكم تلغون العقد .. طبعا هو راح يقول لك مافيه شئ اسمه كنسلت عقد ومن هالسوالف ويحاول مايخليك تمشي من عنده الا وانت اقل شئ دافع باقي العقد !! انت عطه بالصريح قل انا طالب وماقدر ادفع الباقي كله وماشي وماني براجع .. طبعا اعرف بعض الزملاء كانوا فعلا ماشين من بريطانيا بعد ماخلصوا دراستهم وعليهم عقود .. واتصلوا بالشركة وبالاخير اعطوهم مبلغ غرامة مالية تصل 100 باوند تقريبا .. وفيه طريقة اخرى اذا احد من زملائك يبي يكمل العقد تقدر تحول له الخدمة وانت تطلع برا الموضوع ..

وانا انصحك لاتطلع من بريطانيا الا ومصفي امورك مع كل شئ ولاتصير عليك مطالبات ماليه ابدا ..
M.W
05-22-2010, 05:08 AM
الدكتور ماقصرت يالغالي وجزاك الله خير على المعلومات اللي الكل يستفيد منها ..

ومثل ماذكر الدكتور أنك تعرض على أحد من معارفك في بريطانيا
اذا كان محتاجه ويكمل عنك العقد لان سكاي مطلوب الان نظراً لسرعه الانترنت لديهم
وإضافه على ان كاس العالم سيبدأ في جون .
والله يوفقنا وياك
يوووسف88
05-22-2010, 06:40 AM
سؤال ثاني ياجماعه لوسمحتوا . انا حسابي فيه مبلغ يكفي انه ادفع لهم لي غاية انتهاء العقد (مومشكله)
هل اذا طلعت من الشقه وخليت العقد عالشقه وموجود خط التلفون بأسمي والنت بأسمي والقنوات الفضائيه بأسمي تصير علي مشكله لاني خايف من خط التلفون
سكاي اهم الي ركبولي خط التلفون قالولي 10 باوند للانترنت و 12 باوند لخط التلفون و32 باوند للقنوات الفضائيه . انا خايف فقط من خط التلفون يعني يمكن احد يسكن بعدي بالشقه ويسوي مشكله بتلفون الشقه وانا ابتلش فيها لانه بأسمي ولا عادي ؟؟؟
الـدكتـور
05-22-2010, 02:13 PM
ياخوي وانت وشوله تخلي العقد دام هناك امور مفتوحه قدامك !! اول شئ لو خليت التلفون او الانترنت يمكن احد يسكن مكانك ويستخدمه استخدامات تكون انت المسؤول نظاميا وقانونيا عنها !!
وتدخل في دوامة ماتطلع منها .. خلك في السليم .. اذا ماتبي العقد كله عطه واحد من الشباب بلاش وانقل العقد باسمه .. او اتصل بالشركة وادفع كل المستحقات .. او مثل ماقلنا لك قبل ..
لكن لاتطلع ابدا من الشقة والتفلون او النت او اي شئ باسمك .. خلك نظامي بهالديرة :) ..