المساعد الشخصي الرقمي

مشاهدة النسخة كاملة : محتاج لمصلّح كمبيوترات ..

fahad
10-08-2009, 04:17 AM
السلام عليكم ..


حبيت اسألكم بس اذا تعرفون لي واحد يصلح اجهزة الكمبيوتر في ليدز ..

عندي لاب توب اتش بي خربان من فترة ولا اهتميت له لاني عندي جهاز ثاني بس المشكلة اني احتجت القديم لأنه نظام ويندوز ولاب توبي اللي استخدمة حاليا ابل ماك بوك .. ومحتاج نظام الويندوز لتوافقه من نظام كمبيوترات الجامعة .. لأن الجامعة مطالبيننا ببحوث نرفعها عن طريق موقع الجامعة ولازم يكون النظام مايكروسوفت اوفيس 2007 طبعا xp ..

اتمنى تفيدوني .. مع العلم اني ساكن في البلازا اذا تعرفون لي واحد قريب من عندي او لو مافيه قريب عادي اي مكان في ليدز .. واكون لكم من الشاكرين ..

تحياتي

فهد ..
المعشوشبة الاندلسية
10-08-2009, 07:12 AM
البي سي وورد يصلح الاجهزة
قايد الريم
10-08-2009, 07:24 AM
البي سي شيك على جهازي فقط 100 باوند

والايراني النصاب على شارع بيرلي رود جنب مطعم شام رسترنت شيك اهو كمان على اساس يصلحة في 50 باوند ولا صلح

,,,



فية محل هندي جنب ابو بكر في هيرهلز مرة رخيص ولى ياخذ على التشييك غير 10 باوند


,,, اتمنى عرفت الوصف ولوا تبي اجيب لك اسمة من عيوني وبالتوفيق
سليمان الخضير
10-08-2009, 01:27 PM
هلا أخوي fahad

اسمح لي أتجاوز موضوع تصليح الكمبيوتر
واقترح حل آخر... على الأقل مؤقتًا
ويارب أنه يصلح... ويعجبك

أتوقع أنك تقدر تستخدم جهازك، ولو أنه أبل ما ك، وتسوي أعمالك
وهذا من خلال الدخول لصفحتك في الجامعة وأنت في البيت
ادخل الإنترنت، وادخل موقع الجامعة
وباستخدام خدمة
Desktop Anywhere Service (https://access.leeds.ac.uk/DesktopAnywhere/auth/login.aspx)

حتدخل على صفحتك الشخصية كما لو كنت فاتح
أي جهاز في الجامعة
تقدر تستخدم برامج الوندوز.. وأي برامج أخرى
بدون ما تحملها في جهازك وتثقل عليه
أو حتى لو كانت متوافقة مع جهازك
لأنك في الواقع تشتغل على جهاز الجامعة البعيد

أنشأ لك صفحة وورد، احفظها في الدرايف المخصص لك
في نفس الصفحة
ادخل عليها في أي وقت من أي مكان
كمل الشغل... وأرسله أو اطبعه

فيه خطوات بسيطة وسريعة
عشان تحمل برنامج يمكنك من الاستفادة من خدمة
Desktop Anywhere Service (https://access.leeds.ac.uk/DesktopAnywhere/auth/login.aspx)
حتشوفه أسفل الصفحة تحت عنوان
Message Centre

لو ما اشتغل معك السوفتوير الموجود (لأي سبب)
أقترح تتواصل مع الهيلبدسك وإن شاء الله يعطوك
خيارات أخرى

ويارب تنجح الفكرة
.:. YZ .:.
10-10-2009, 10:50 PM
هلا وغلا باك ،،


فيه محل يزيد للحاسب الالي بس هو شخص ماله محل ،، لكن بإذن الله اني بضبط جهازك احسن من المحلات ،،

علمني وش المشكله ونتقابل وكل شيء بيضبط ،، ولا تخاف بسوي لك خصم خخخخ




تحيتي لك ،،
fahad
10-11-2009, 07:14 AM
ماقصرتوا والله ..

اخوي سليمان انا المشكله ادرس في ليدز مت موب في جامعة ليدز ..

ماقصرت يالغالي ..

يزيد .. ياليت ترسل لي رقمك على الخاص لاهنت .. ومشكور يالغلا ..

تحياتي ..