المساعد الشخصي الرقمي

مشاهدة النسخة كاملة : استفسارات بسيطهـ

D7oooMy
09-14-2009, 05:51 AM
السلامـ عليكمـ

كيف حالكمـ ؟

انا طالب مبتعث وانشالله طيارتي بتاريخ 21/9/2009 وراح انزل في مطار هيثرو انشاللهـ

عندي استفسارت بسيطهـ ودي انكمـ تجاوبوني عليها

1- الجههـ اللي بعثتني حجزولي بسكن اسمهـ OPAL3 يقولون انهـ جديد وحلو وانا ما عندي اي خلفية عنهـ
اذا تقدرون تفيدوني هل هو الافضل والا لا ؟

2- هل اشتري ملابس شتويهـ ام صيفيهـ ؟

3- كيف نظامـ الحلاقين عندكمـ هل هو حجز والا مثل السعوديهـ اول من يجي يخدمونهـ؟ وهل شغلهم نظيف؟ وبالنسبهـ للسعر كمـ ؟

4- افتح حساب بأي بنكـ واشتري من شريحهـ من اي شركهـ ؟؟

5- اي نصايح مهمهـ ممكن تقدمونها لي

انتظر ردكمـ علي بفارغ الصبرـر

اخوكمـ عبدالرحمن الشمري
سعودي 1
09-14-2009, 01:31 PM
اخوي عبدالرحمن حياااك الله

بالنسبة للسكن اول مرة اسمع فيه وياليتك تضع العنوان بالكامل وين يقع ..

اما بالنسبة للملابس حنا قادمين على شتاء قارس وبرد ويمكن ثلج بعد :) جب معاك اللي تقدر عليه من الملابس الثقيلة بلايز صوف جاكيتات مطر بيجامات داخلية ... الخ

الحلاقين بون حجز تقدر تدخل على اي واحد ويحلق لك وانصحك تجيب عدتك من السعودية شنطة حلاقة مكملة بكل شي والسعر يتفاوت بعضهم غالي والبعض وسط يعني على حسب تخطيط الوجة وش تبي يسون له :) من 3 جنيه وانت طالع حتى عشرة فيه حلاقين مسلمين اسال عنهم

خذ شريحة o2 واستخدم الشحن لانهم يعطون تقريبا 200 دقيقة مكالمات دولية مجانا فهذي حلوة لو تبي تكلم الاهل اذا شحنت ب 30 باوند

البنوك متاحة تقدر تفتح باي بنك تبي بس افضلهم من وجة نظري اليورك شير

الله يوفقك ويسعدك

تحياتي
أبوفهد
09-14-2009, 02:15 PM
السلام عليكم
ما قصر أخونا سعودي1 في الإجابة عن أسئلتك أخي الكريم

وبالنسبة للبنوك فهناك طريقة عملها بعض الزملاء هذا الصيف بأن فتحوا حسابات في البنك البريطاني في السعودية ويمكنك من خلاله إيداع وسحب بالباوند عن طريق HSBC وهالطريقة تنفع تمشي فيها أمورك أول ماتاصل بالسلامة

ولا أعلم الكثير عن تفاصيلها
موفق أخوي

أخوك/أبوفهد
M.W
09-14-2009, 03:26 PM
وعليكم السلام

هلا اخوي عبدالرحمن والله يحييك بين اخوانك في ليدز
بالنسبه لسكن اوبل ثري حسب علمي انه في بيرلي رود السكن حديث وجيد وليس بالبعيد من السنتر.
بالنسبه للملابس انصحك تشتري ملابس شتويه لان الفتره القادمه فتره شتاء وبرد .
انصحك بشريحه ليبارا رخيصه من جميع النواحي وتستطيع تكلم السعوديه بسعر مغري وجيد .

والله يوفقك يالغالي واي خدمه حاضرين
الـدكتـور
09-15-2009, 02:33 AM
وعليكم السلام ورحمة الله وبركاته
هلا اخوي عبدالرحمن تاصل بالسلامة يالغلا
بالنسبة لاوبل3 انا زرت فيه بعض الزملاء صراحة
السكن نظيف وحلو وراح يعجبك ان شاء الله
طبعا من جهة نظري .. اما بالنسبة للحساب
افتح باي بنك ماراح تفرق كثير .. الشباب اكثرهم
فاتحين حساباتهم في بنك لويدز .. سريع وعندهم
حساب اسلامي على كلامهم .. والحلاقين مثل ماتفضل
الشباب مافيه حجز ولاشئ لكن افضل للجميع انهم
يحلقون في بيوتهم ..
وتاصل بالسلامة
mohammed
09-17-2009, 01:08 AM
ما ازيد عن اللي قالوه الاخوان ..

بس بقول عن شريحة وهي اسمه ليبارا هذي سلمك الله لو تكلم واحد ببريطانيا ومعه نفس الشركه تكلمه ببلاش ثانيا فيه عروض ومن ضمن العروض اللي مسوينه في رمضان تكلم اهلك بالتلفون بنص القيمه ..

اتمنى اكون افدتك شي ,,
قايد الريم
09-17-2009, 08:59 PM
ماقصروا الشباب جميعا ولكن توضح بسيط

اوبل ون وتو على شارع بيرلي رود واوبل ثري اهو اللي في الستي سنتر قريب من سكاي بلازا ( يجي من النص خط احمر وااضح )

والمعلومات الباقية تكلموا فيها الشباب والسكن على حسب القروب اللي يجي معك اذا اهم نظيفين وهادين راح يعجبك ( من ناحيتي احب يكون نظيف وهادي ) الله يوفقك اخوي
D7oooMy
09-17-2009, 09:03 PM
اللهـ يعطيكمـ العافيهـ ما قصرتوا

والله افدتوني الله يجزاكمـ خيرـر

كنت متخوف من الروحهـ لكن من كلامكـ حسيت كل شي سهل

عقبال ما اروح هناكـ واعرف الديرهـ صح عشان جاوب على استفسارات الاعضاء بهالمنتدى

اشكركمـ مرهـ ثانيهـ :36_3_12:

اخوكمـ عبدالرحمن الشمري,,