اجمل كتاباتي ؟؟؟

[مشاري 91]

السلامـ عليكمـ ورحمهـ اللهـ وبركاتهـ ..........

هذي احد كتاباتي ... واحد ميزات الغربه تخليك مع قلمك وتكتب الي في خاطرك ...

ارجو ان كل شخص يقراها يقول رايه بكل صراحه وبدون مجاملات .....

والي يعزني ينقدني ... لاحسن من مستواي ...


ماقول ان الصدر ضايق أقول الكون فيني ضاق
ماقول أن غيبتك صعبه أقول البعـد ينهينـي

أنا يا مازعل قلبـي عليـك وماطريـت فـراق
أشيل بخاطري [يمكن] وارضى لـو تراضينـي

ياليتك بس تفقدني كثـر ماأفقـدك واشتـاق
قسـم بالله مايطـري علـى بالـك تخلينـي

بعيني انت هالدنيا ومن غيـرك لعينـي لاق
كثير وماملوا عيني وقلبـك بـس يكفيني

فراق! وكنت أبي منّك تعوّض هالصبر بعنـاق
عشانك بعت هالعالم وجيـت اليـوم تنفينـي

حبيبي حلت الفرقـا وبعثـرت بجفـاك أوراق
عزاي بغيبتك صوره علـى بعـدك تواسينـي

أنا غصب علي أرضى ببعدك وأكتم الأشـواق
وأكابر رغم حرماني وأداري دمعتـي بعينـي

حبيبي والجفا سجني وقربك من سماي إعتاق
بكثر عيوبي بعينك فقدتـك وينك ووينـي!

حبيبي حس في حزني ترى دنيـاي ماتنطـاق
أهونهـا ولا هانـت كبيـره صدمتـي فينـي

وش اللي يصيربالدنيا لو إنك جيتنـي مشتـاق
وش اللي تخسره يعني إذا فكـرت ترضينـي

من الآخر ترى بعدك عطاني هالزمان [ طراق ]
لأني كنت احسـب إنـك تمـوت وماتخلينـي...


وسلامتكمـــ ......

[الـدكتـور]

حبيبي والجفا سجني وقربك من سماي إعتاق
بكثر عيوبي بعينك فقدتـك وينك ووينـي!


الله .. الله .. الله عليك يامشاري أسطر رائعة
وهاجس من براكين العاطفة ترتسم على حروفك
والذي أعجبني أكثر هو ان هذه الأحرف الراقية
هي من أنفاس مدادك ومن هنا يكتمل الجمال
بعذوبة الكلمة عندما تكون من بنان صاحبها
وتصوير راق لي كثيرا رغم مايخالجه من قسوة
دمت بخير يامبدع :)

[مشاري 91]

الدكتور ......

يشرفني ان تكون اول رد على ابياتي المتواضعه ....

فقد زدت ابياتي جمالا ... ونورت صفحتي .....

لكن كنت اتمنى النقد للتطور ....

لكن مرورك وحده يكفي يادكتورنا ....

تحياتيــــ :: مشاريـــ

[سايق الخير]

مشاري

!!!!!!!!!!!!!!!!!

قصيدة رائعة جدا وجزلة وحوت كثير من المعاني

لم تطرق الرمزية بشكل مخل يفقد القصيدة رونقها الواقعي

وهذه القصيدة من بحر اللويحاني

واستخدام هذا البحر ليس منتشرا بالشكل الكبير جدا لطول البيت

بتفعيلته الممتدة

(مستفعلن مستفعلن مستفعلن مستفعلن)

وزن قمة ،،،،،،،،، وتماسك شعري رائع

وأشدد على روعة البيت الذي اختاره الدكتور

لبروز الصورة الجمالية فيه بشكل رائع جدا

وما شاء الله ،،،،، ما درينا عن هالموهبة الفياضة

يجب أن تتكرم بإلهاب أنظارنا بمثل هذه الروائع

شكرا على إمتاعنا

أخوك

سايق الخير

[مشاري 91]

سايق الخير ........

هلا وغلا .... نورت الصفحه ...

اشكرك على مرورك الجميل .....

وبالفعل انا كنت اكتب بيت او اثنين .....

لكن مثل ما قلت الغربه تطلع مواهب والله .. وتقربك من قلمك اكثر اكثر ....

وباذن الله كل ما اكتب انزل لاستفيد من نقدكم البناء ....

وتقبل تحياتي يالغالي ......:63:

:: مشاريــ

[زهورعمرى]

[


وش اللي يصيربالدنيا لو إنك جيتنـي مشتـاق
وش اللي تخسره يعني إذا فكـرت ترضينـي

من الآخر ترى بعدك عطاني هالزمان [ طراق ]
لأني كنت احسـب إنـك تمـوت وماتخلينـي...


http://www.gallery.7oob.net/data/media/19/frasha2.gif

[مشاري 91]

زهور عمري ....

الاروع هو مرورك وتعطيرك صفحتني .....

ويسعدني انها اعجبتك خيتوو ......

تقبليـ تحياتيـ :: مشاريــ:)

[المعشوشبة الاندلسية]

من الآخر ترى بعدك عطاني هالزمان [ طراق ]
لأني كنت احسـب إنـك تمـوت وماتخلينـي...


ماشاء الله عليك شاعرنا

روووووووووووووووووعه X روووووووووووووعه

[مشاري 91]

المعشوشبه الاندلسيه .....

هلا بك ..... منوره .....

والقصيه زادت جمال بمرورك ...

لكن شاعرنا ...؟؟ لقب اكبر مني ....

بس الفـ الفـ شكر على مرورك خيتوووو :84:

تحياتيــــــــ :: مشاريــ :20:

[مجنون الرياض]

ياليتك بس تفقدني كثـر ماأفقـدك واشتـاق
قسـم بالله مايطـري علـى بالـك تخلينـي


والله شاعر ونص بعد
مااشاء الله عليك

[مشاري 91]

مجنون الرياض ....

ارحب ......

عطرت موضوعي بمرورك .....

وردك الجميل ... ويشرفني ان القصيده عجبتك ...

وشاعر ونص ... اتمنى اني استحق هالكلمه ..

ولا تحرمنا من طلاتك خيوو :84:

:: تحياتيــ::مشاريـــــــــ

[ماجد]

ماقول ان الصدر ضايق أقول الكون فيني ضاق
ماقول أن غيبتك صعبه أقول البعـد ينهينـي


قلبت المواجع صح لسانك شاعر

لك كل شذى الود

[مشاري 91]

ماجد ....

تسلم على مرورك وتعطيرك صفحتي ....

تحياتي :: مشاريــــــ:28: