ممكن خطوات تجديد الفيزا من داخل بريطانيا

[.:. YZ .:.]

السلام عليكم ورحمه الله وبركاته ،،


كيفكم يالغاليين؟! اتمنى الكل بأتم صحه وخاصه بهالبرد :D

بعد ٢٥ يوم تنتهي فيزتي وانا حاليا في ليدز ،، بحث كثيرا في النت وفي المواقع الاخرى ولم اجل اجابه شافيه والبعض كل يعطيك رايه وكأن الموضوع للاخذ والعطا !!

اتمنى من جرب وجدد الفيزا بنفسه انه يعلمني الطريقه كامله ووش الاوراق المطلوبة للتجديد الفيزا علمآ بأني بروح بنفسي للهوم اوفس واجدده بنفسي على حسب ماعلمت انها ٥٠٠ باوند ،،

واتمنى اعرف كيف احجز موعد عندهم؟ ووين اقرب مكتب لمدينة ليدز ،،



كل الشكر للجميع مقدمآ ،،




تحيتي للجميييع ،،

[سايق الخير]

أهلا وسهلا بأخوي

YZ

وحياك الله في موضوعك

الخاص بخطوات تجديد الفيزا من داخل بريطانيا

وأتمنى إني أفيدك من خلال الأسطر القادمة

أولا

تقوم بطباعة الأبليكيشن فورم الموجود على الرابط التالي


http://www.ukba.homeoffice.gov.uk/sitecontent/applicationforms/flr/formflrs1108

وهو الأبليكيشن الخاص بتجديد الفيزا للطلاب من داخل بريطانيا

وأشدد من داخل بريطانيا وهو من تصنيف

FLR(S) - Version 11/2008

وهو مكون من 17 صفحة ولكن لا تحتاج إلى تعبيتها كلها

لأن بعض الصفحات مجرد تعليمات

ثانيا

خلال التعبئة بتمر على المجموعة 6 أو

Section 6

وطبعا هذي ما تقربها ولا تعبيها وإنما يعبونها المعهد أو الجامعة

اللي إنت تدرس عندهم وهذي تكون في صفحة 7 و 8

ثالثا

الأوراق والمستندات المطلوبة

1ـ صورتين شمسية مقاس الجواز وحديثة وتكتب عليها
اسمك من ورا

وتحطها في ظرف صغير وتثبتها بكلبس في الركن العلوي الأيمن من

الصفحة رقم 4 (وصورتين لكل شخص من أفراد أسرتك إن كانوا معك)ـ

2ـ جواز السفر (وجوازات سفر أفراد عائلتك إن كانوا معك)ـ

3ـ بطاقة إثبات هوية أصحاب الجنسيات الأجنبية (إن كنت ممن تم إصدارها لهم)ـ

4ـ شهادة تسجيل الشرطة (وشهادات أفراد عائلتك إن كانوا معك)ـ

5ـ خطاب من مقر دراستك يفيد بأن الرسوم الدراسية الخاصة بك قد تم دفعها

مشتملة على الآتي:ـ

أ. اسم الكورس ومرحلته.

ب. اسم وعنوان المعهد أو الجامعة التي تدرس بها.

جـ. تواريخ بداية ونهاية الدراسة.

د. إثبات هل الكورس نظام كلي أم جزئي (طبعا كلي بالنسبة لنا).

هـ. تكلفة الكورس وهل تم دفعها أم لا.

(حريصين على حقوق ربعهم عيال الذين)ـ

6ـ إرفاق القبول الخاص بالجامعة إذا كنت في معهد، وكان القبول لديك.

7ـ إذا كنت في طالبا في الجامعة، وفي إحدى التخصصات العلمية

فيجب إرفاق شهادة خاصة بالتخصصات العلمية تسمى ATAS وتطلبها من

قسم القبول والتسجيل.

8ـ خطاب من مقر الدراسة يفيد عن مدى عطائك الدراسي.

9ـ خطاب من مقر الدراسة يفيد عن مدى التزامك بالحضور في الكورس.

10ـ خطاب من الملحقية يثبت الضمان المالي لدراستك.

11ـ كشف حساب بنكي لآخر ثلاثة أشهر.

12ـ المبلغ المطلوب وهو 500 باوند إذا كنت ممن سوف يجددون الفيزا

في أحد مكاتب الاستفسارات العامة التابعة لوزارة الداخلية، ويقبلون البطاقات

الإئتمانية أو الكاش.

رابعا

لا تنسى أن تقوم بالاتصال على الرقم التالي لحجز موعد لتجديد الفيزا في أحد

مكاتب الاستفسارات العامة ويطلق عليها

PEO

Public Enquiry Office

والرقم هو

08706067766

أهم حاجة انتبه يقول لك الموظف بنعطيك موعد بعد انتهاء الفيزا وتوافق

أول ما يقولك عن موعد بعد تاريخ انتهاء الفيزا قله ما أقدر فيزتي
بتنتهي قبل

وإذا أصر بالحيل إن ما فيه موعد قبل ،،،، فالله لا يهينك انطلق للرياض وجددها

وارجع والا ترى موضوع إنك تقعد لو ساعة وحدة بدون فيزا رسمية وفعالة

فيه مصيبة كبيرة جدا جدا جدا

وأقرب المكاتب حقت تجديد الفيزا القريبة من ليدز هو مكتب شيفيلد ومكتب منظم

ومرتب على قول من زارهم ،،، وهناك مكتب في ليفربول

ونسأل الله لك وللجميع التوفيق

وأي خدمات أنا مستعد

وأرجو إني ما أكون طولت عليك السوالف والصجة

أخوك

سايق الخير

[.:. YZ .:.]

هلا وغلا والله بالمراقب العام ،، صراحه ماقصرت والله مدري وش اسوي لاشكرك ،، شرايك اعشيك بننادوز او مالك خخخخخخ

يالغالي الف الف شكر والله على هالشرح وهالتوضيح ،، والله يعطيك الف عافيه ،،


كلمتهم اليوم واخذت موعد الاسبوع القادم وقبل تنتهي فيزتي باسبوع ،، عندي كم سؤال مافهمت :



3ـ بطاقة إثبات هوية أصحاب الجنسيات الأجنبية (إن كنت ممن تم إصدارها لهم)ـ

ممكن تشرح اكثر؟! وش السالفه << تناحه

10ـ خطاب من الملحقية يثبت الضمان المالي لدراستك.


مايكفيهم خطاب السفارة اللي مأخذه منهم قبل لما كنت بالسعودية؟! عندي صوره منه مايكفي؟ وإذا مايكفي لازم اكلم المشرف؟!

ارجع واشكرك يالغالي ولا خلا ولا عدم ،،

[.:. YZ .:.]

يامراقبنا العام انتظرك يالغااالي ،،

[الـدكتـور]

مايكفيهم خطاب السفارة اللي مأخذه منهم قبل لما كنت بالسعودية؟! عندي صوره منه مايكفي؟ وإذا مايكفي لازم اكلم المشرف؟!


اول شئ ماشاء الله عليك يامراقبنا سايق الخير ماخليت شئ الله يطول في عمرك
واختصرت على الجميع عناء البحث

بالنسبة لسؤالك اخوي لازم تاخذ ضمان مالي من الملحقية ضروري جدا
وبالتوفيق

[سايق الخير]

هلا وغلا والله بالمراقب العام ،، صراحه ماقصرت والله مدري وش اسوي لاشكرك ،، شرايك اعشيك بننادوز او مالك خخخخخخ

يالغالي الف الف شكر والله على هالشرح وهالتوضيح ،، والله يعطيك الف عافيه ،،


كلمتهم اليوم واخذت موعد الاسبوع القادم وقبل تنتهي فيزتي باسبوع ،، عندي كم سؤال مافهمت :



3ـ بطاقة إثبات هوية أصحاب الجنسيات الأجنبية (إن كنت ممن تم إصدارها لهم)ـ

ممكن تشرح اكثر؟! وش السالفه << تناحه

10ـ خطاب من الملحقية يثبت الضمان المالي لدراستك.


مايكفيهم خطاب السفارة اللي مأخذه منهم قبل لما كنت بالسعودية؟! عندي صوره منه مايكفي؟ وإذا مايكفي لازم اكلم المشرف؟!

ارجع واشكرك يالغالي ولا خلا ولا عدم ،،



أهلين وسهلين بشيخنا واي زد

وآسسسسسسسسسسسسف جدا على التأخير

بالنسبة للإستفسار الأول

اللي هي البطاقة فهي تصرف لمن دخل بريطانيا من الطلاب بعد تاريخ 25 نوفمبر

يعني إذا إنت داخل قبل هالتاريخ فلا تفكر فيها وما عليك منها

أما بالنسبة للضمان المالي

فلاززززززززززززززززززززززززم تحصل على الضمان المالي من الملحقية

وموجه لوزارة الداخلية البريطانية ويضموننك فيها ماليا مثل ما قال الأخ الدكتور

وهو غير الضمان اللي حصلت عليه من الوزارة

لأن هذا ضمان خاص بتجديد الفيزا

وأي سؤال أو خدمات تراني تحت رسم الخدمة

أخوك

سايق الخير

[سايق الخير]

اول شئ ماشاء الله عليك يامراقبنا سايق الخير ماخليت شئ الله يطول في عمرك
واختصرت على الجميع عناء البحث
بالنسبة لسؤالك اخوي لازم تاخذ ضمان مالي من الملحقية ضروري جدا
وبالتوفيق

أخوي وولي أمر هالمنتديات

إضافتك رائعة وشاكر لك أصالة عن نفسي على أهمية هذه المعلومة

أخوك

سايق الخير

[.:. YZ .:.]

هلا والله بولي امر المنتدى << تقول خطاب من مدرسة ابتدائية :75:
يعطيك الف عافيه على المرور والتعليق ..




هلا وغلا بالمراقب العاام .. لا خلا ولاعدم على هالشرح والتوضيح بس باقي اخر سؤال :
الضمان الورقة الي اخذتها منهم حقت السكن اللي فيها كم المكفأة أو غيرها?
ولازم اروح لندن او يكفي يرسلها ايميل?? << زول :9:


ويعطيكم الف عافية والله ..

[سايق الخير]

هلا والله بولي امر المنتدى << تقول خطاب من مدرسة ابتدائية :75:
يعطيك الف عافيه على المرور والتعليق ..




هلا وغلا بالمراقب العاام .. لا خلا ولاعدم على هالشرح والتوضيح بس باقي اخر سؤال :
الضمان الورقة الي اخذتها منهم حقت السكن اللي فيها كم المكفأة أو غيرها?
ولازم اروح لندن او يكفي يرسلها ايميل?? << زول :9:


ويعطيكم الف عافية والله ..





هلا أخوي واي زد

راجع الخاص لو سمحت

أخوك

سايق الخير

[ال الشيخ]

الله يجزاك الف خير ويكثر من امثالك